【蝙蝠俠】外國已上映玩60年代恐怖片風格 蝙蝠車轉玩兩門美國Muscle Car型格
發布時間: 2022/03/03 15:07
原定3月3日在港上映的新版《蝙蝠俠》,因配合政府「動態清零」政策,上映檔期仍遙遙無期。這齣由羅拔柏迪臣(Robert Pattinson)主演的新版蝙蝠俠一直保密功夫做到足,有外國已觀看影迷表示此新版可媲美由Christopher Nolan執導的《蝙蝠俠》系列。
別擔心,筆者是有口德之人沒打算劇透,只打算講華納電影公司為造勢,分別於倫敦、巴黎和邁阿密三地,把片中參與拍攝的新戰車Batmoblie作展覽。
《蝙》導演Matt Reeves表示:「Christopher Nolan將Batmoblie設計成好似坦克車般,是一個好厲害的想法。但我會想個性獨來獨往嘅Bruce Wayne,應該鍾意自己組裝戰車,而在電影處於年代背景下,Muscle Car係最適合!」可以想像好似《狂野時速》入面大隻佬雲迪素架肌肉車,只係換咗由型男Robert Pattinson。
據維基所指,Muscle Car泛指50、60年代兩門中型轎車,後輪驅動,裝有大馬力最大馬力650hpV8渦輪增壓引擎。因大食(汽油)關係,揸得Muscle Car都俾人中產以上,導演果然夠心思縝密!
拍板車款後,劇組就開始改裝加上,啞黑車身走唔甩,車蓋則專加上好似8舊腹肌設計散熱板,唔少得係排氣系統加少少功夫,令戰車發出不寒而慄感覺……因為導演希望電影出嚟效果,帶點恐怖大師史提芬京於1983年《Christine》的作品,後被改編成電影,是一齣講Plymouth Fury(Muscle Car始祖之一)有惡魔力量的電影……希望可以快啲入戲院睇到呢齣戲啦!
記者:黃鑑江